Foot Mercato хабарига кўра, «Ал-Ҳилол» «Кристал Пэлас» ҳужумчиси Исмаила Саррга қизиқиш билдирмоқда.

Саудия Арабистони клуби 28 ёшли сенегаллик футболчи бўйича расмий таклиф тайёрлаш мақсадида Англия клубидан маълумот сўраб улгурган.

Шунингдек, Саррга «Галатасарой» ҳам қизиқиш билдирмоқда.

Футболчининг «Кристал Пэлас» билан амалдаги шартномаси 2029 йилга қадар мўлжалланган. Transfermarkt портали унинг трансфер қийматини 45 миллион еврога баҳоламоқда.

Ўтган мавсумда Сарр барча мусобақаларда 45 та ўйинда майдонга тушиб, 21 та гол урди ва 2 та голли узатмани амалга оширди.

2026 йилги жаҳон чемпионатида эса у 4 та учрашувда 4 та гол ва 2 та голли узатма қайд этди.