«Атлетико» ҳужумчиси Хулиан Альварес бугун ҳам жамоа билан машғулот ўтказмади, деб хабар берди AS. Аргентиналик футболчи кеча ҳам касаллиги сабабли машғулотда иштирок этмаган эди.
Қайд этилишича, футболчи ҳануз яхши ҳолатда эмас ва унинг шанба куни «Севилья»га қарши ўйинда иштирок этиши катта сўроқ остида. Шу тариқа, Диего Симеоне ҳужум чизиғида яна қийинчиликларга дуч келади, чунки Александр Сёрлот ҳамон сафдан ташқарида.
Альвареснинг эҳтимолий трансфер борасидаги вазияти ҳамон ноаниқ. Аввалроқ «Барселона» президенти Жоан Лапорта каталонияликларнинг ҳужумчи бўйича таклифи ҳали ҳам кучда эканини ва «Атлетико»нинг бошқа клублар билан музокара олиб бораётганидан хабар топишганини тасдиқлаган эди.
«Атлетико» эса футболчининг каталонияликлар жамоасига кетишига қатъиян қарши эканини яна бир бор маълум қилди. Вазиятни ҳал қилишнинг эҳтимолий вариантларидан бири Хулианнинг «Арсенал»га трансфери бўлиши мумкин.
