Le Parisien хабарига кўра, «Пари Сен-Жермен»нинг «Монако»га қарши мавсумдаги илк уй учрашуви учун «Парк де Пренс» стадионига Ирландиядан янги чим келтирилди.
Бильярд столидай текис майдон клубнинг қатъий техник талабларига жавоб бериш мақсадида ётқизилди. Бу қарор август ойи ўрталарида майдон ҳолати билан боғлиқ кескин баҳс-мунозаралардан кейин қабул қилинган.
Клуб мутасаддилари чемпионатдаги илк уй ўйини олдидан майдонни тиклаш ишларини тезлаштириб, футболчилар учун энг қулай шароит яратишга ҳаракат қилди.
Энди «ПСЖ» ва «Монако» футболчилари Европадаги энг сифатли майдонлардан бири деб баҳоланаётган янги чимда тўп суради.
