Испания чемпионатининг 4-тур учрашувлари давом этмоқда. «Атлетик» ўз майдонида «Атлетико»ни қабул қилди ва кутилмаганда рақибини 3:0 ҳисобида йирик мағлубиятга учратди.
Маълум бўлишича, бу баскларнинг «Атлетико» устидан 2013 йилдан бери қайд этган энг йирик ғалабаси бўлди. Ўшанда ҳам «Атлетик» мадридликларни 3:0 ҳисобида енгган, жамоани эса Марсело Бьелса бошқарган эди.
Шунга қарамай, бу ғалаба «Атлетик»ка Диего Симеоне шогирдларини турнир жадвалида ортда қолдириш имконини бермади. «Атлетико» 7-ўринда қолган бўлса, «Атлетик» ҳозирча 9-поғонада бормоқда.
Ла Лиганинг кейинги турида «Атлетик» ўз майдонида «Эльче»ни қабул қилади.
