Олти карра олимпиада чемпиони Усейн Болт «Реал» ярим ҳимоячиси Гарет Бэйлга ўз ёрдамини таклиф қилди.
«Унга яна ҳам тезкор бўлиши учун ёрдам беришим мумкин. Мен «Реал»ни ҳурмат қиламан. Шундай экан, клубга ва Гаретга ёрдамим керак бўлса, жон деб Мадридга учаман ва у билан индивидуал машғулот олиб бораман.
Эшитишим бўйича, Бэйл мен каби тез югуриш қобилиятига эга бўлиши мумкин экан, лекин югуриш техникаси ҳам катта рол ўйнайди.
Мен Криштиану Роналуга ҳам тезликдан дарс берган эдим. Ўзингиз кўрдингиз, Роналду ўша машқлардан кейин қанчалик натижаларга эришди»,- дейди Болт.
Шуни ҳам таъкидлаш жоизки, Бэйл «Вильяреал»га қарши ўзининг дебют учрашувида тезлигини бир вазиятда 40 км/соатгача оширган. Ўз навбатида жаҳон рекордчиси Болт 43 км/соатдан сал юқорироқ тезликка эга.
