«Манчестер Сити» ҳужумчиси Эрлинг Холанд Чемпионлар лигаси умумий босқичи 1-туридан ўрин олган «Порту»га қарши учрашувнинг энг яхши футболчиси деб топилди.

«Манчестер Сити» 2:0 ҳисобида ғалаба қозонган баҳсда 26 ёшли норвегиялик ҳужумчи дубль қайд этди.

«У олтита голли вазиятга эга бўлди ва «Манчестер Сити»га ғалаба келтирган голларни урди. У жарима майдони ичида жуда яхши ҳаракат қилади, шунингдек, ўйинда фаолроқ иштирок этиш учун ортга қайтган пайтларда тўпни яхши сақлайди ва узатмаларни аниқ амалга оширади», — дея Ҳоланднинг ўйинига баҳо берди УЕФА техник кузатувчилар гуруҳи.

Чемпионлар лигасининг 2-турида «Манчестер Сити» «ПСЖ»га қарши, «Порту» эса «Бетис» билан ўйнайди. Ҳар икки учрашув 14 октябрь куни бўлиб ўтади.