Эрлинг Холанд Чемпионлар лигаси тарихидаги энг яхши тўпурарлар рўйхатида якка ҳолда 7-ўринни эгаллади.

«Манчестер Сити» ҳужумчиси Чемпионлар лигаси умумий босқичи 1-туридан ўрин олган «Порту»га қарши ўйинда дубль қайд этди. Англия клуби мазкур баҳсда 2:0 ҳисобида ғалаба қозонди.

Энди Холанднинг Чемпионлар лигасидаги натижаси 59 та ўйинда 59 та голни ташкил этмоқда.

Норвегиялик ҳужумчи 163 та учрашувда 57 та гол урган Томас Мюллердан ўзиб кетди.

Ундан юқорида Рауль ва Килиан Мбаппе — 71 тадан, Карим Бензема — 90 та, Роберт Левандовски — 109 та, Лионель Месси — 129 та ва Криштиану Роналду 140 та гол билан жойлашган.