«Барселона» спорт директори Деку журналист ва инсайдер Фабрицио Романонинг ижтимоий тармоқдаги постига муносабат билдирди. Унда каталонияликлар футболчилари Педри, Рафинья ва Даниэль Ольмо 2026 йилги «Олтин тўп» учун 30 нафар номзод қаторига киритилмагани айтилган.

Португалиялик мутахассис постга бир нечта кулги эмодзилари билан изоҳ қолдирди.

Ўтган мавсумда Рафинья клуби ва терма жамоаси сафида 40 та ўйинда иштирок этиб, 21 та гол урди ва 9 та голли узатма амалга оширди. У каталонияликлар таркибида Испания чемпиони ва мамлакат Суперкубоги соҳиби бўлди.

Педри ва Ольмо ҳам ўтган мавсумда Ла Лига ва Суперкубок ғолибига айланишди, шунингдек, терма жамоа билан бирга жаҳон чемпиони бўлишди. Педри ҳисобида 58 та ўйин, 5 та гол ва 12 та голли узатма бор. Ольмо эса 63 та учрашувда 9 та гол урди ва 13 та голли узатма амалга оширди.