«Барселона» аввалги трансфер ойнасида амалга оширган харидлари бўйича қарзларининг бир қисмини ёпди.

Испаниянинг Sport нашри хабарига кўра, каталонияликлар Дани Ольмо учун 34,4 млн евро, Рафинья учун 19 млн евро, Жюль Кунде учун 12,3 млн евро, Роберт Левандовски учун 11,1 млн евро ва Витор Роке учун 7,3 млн евро тўлаган.

Шу тариқа, «Барселона» ушбу беш трансфер бўйича жами 84 млн евродан ортиқ маблағ ўтказган.

Бироқ клуб барча қарзларини ҳали тўлиқ ёпгани йўқ. 30 июнь ҳолатига кўра, «Барселона»нинг бошқа клублар олдидаги қарзи 167,4 млн еврони ташкил этган.

Молиявий мажбуриятларнинг салмоқли қисми Энтони Гордон трансфери билан боғлиқ. «Барселона» «Ньюкасл» билан 22 млн евро миқдоридаги тўловни 2027 йилга кўчириш бўйича келишувга эришган. Дастлаб ушбу маблағ июнь ойи охиригача тўланиши керак эди.

Клубнинг молиявий йили 30 июнда якунлангани сабаб, 1 июлдан кейин амалга оширилган трансферлар мазкур ҳисоботга киритилмаган.