«Галатасарой» вингери Рафаэл Леау ёзги трансферлар ойнасида Туркия клубига ўтиши ҳақида фикр билдирди.
«Менинг трансферим учун қилган барча саъй-ҳаракатлари учун «Галатасарой»га миннатдорлик билдираман. Улар икки ой давомида мени жамоага олиб келишга ҳаракат қилди ва мен бу лойиҳага доим ишонганман.
«Галатасарой» менга Чемпионлар лигасида яна ўйнаш имконини берди», — деди Леау матбуот анжуманида.
Португалиялик футболчи ёз бошидан «Милан»ни тарк этишни истаган эди. Италия клуби ўтган мавсум якунларига кўра Чемпионлар лигаси йўлланмасини қўлга кирита олмади.
Леау август ойи охирида «Галатасарой» сафига қўшилди. У янги жамоаси таркибида ҳозирга қадар 2 та ўйинда майдонга тушди ва натижадор ҳаракат қайд этмади.
