«Ан-Наср»нинг Саудия Арабистони чемпионати доирасида «Абҳа»га қарши ўйини (2:1) олдидан жамоа кийиниш хонасида олинган видео тарқалди.
Риёд клуби сардори Криштиану Роналду старт ҳуштаги янграшидан бироз олдин жамоадошларига мурожаат қилган.
«Йигитлар, сизларга бир нарса айтмоқчиман. Олдинги ўйин ортда қолди, у энди ўтмишда.
Бугун дастлабки 20 дақиқада уларни янчиб ташлашимиз, рақибга бу йигитларни мағлуб этишнинг иложи йўқдек туюлишини таъминлашимиз керак.
Дастлабки 20 дақиқа ҳал қилувчи аҳамиятга эга. Келинглар, ўйинни жуда кучли бошлаймиз. Олға!» — деган португалиялик футболчи.
«Ан-Наср» учрашувда 2:1 ҳисобида ғалаба қозонди. Роналду жамоасининг биринчи голини 22-дақиқада урди.
