«An-Nasr»ning Saudiya Arabistoni chempionati doirasida «Abha»ga qarshi o‘yini (2:1) oldidan jamoa kiyinish xonasida olingan video tarqaldi.
Riyod klubi sardori Krishtianu Ronaldu start hushtagi yangrashidan biroz oldin jamoadoshlariga murojaat qilgan.
«Yigitlar, sizlarga bir narsa aytmoqchiman. Oldingi o‘yin ortda qoldi, u endi o‘tmishda.
Bugun dastlabki 20 daqiqada ularni yanchib tashlashimiz, raqibga bu yigitlarni mag‘lub etishning iloji yo‘qdek tuyulishini ta’minlashimiz kerak.
Dastlabki 20 daqiqa hal qiluvchi ahamiyatga ega. Kelinglar, o‘yinni juda kuchli boshlaymiz. Olg‘a!» — degan portugaliyalik futbolchi.
«An-Nasr» uchrashuvda 2:1 hisobida g‘alaba qozondi. Ronaldu jamoasining birinchi golini 22-daqiqada urdi.
