«Барселона» президенти Жоан Лапорта клуб жорий мавсумда тўртта совринни қўлга киритишни мақсад қилганини маълум қилди.
«Бизда жуда рақобатбардош ва мувозанатли таркиб бор, Деку жуда яхши ишлади. Барча ҳушёр бўлиши керак. Жамоамизда сифатли футболчилар кўп ва биз иккита жуда рақобатбардош таркиб тузишимиз мумкин. Ҳамма жуда эътиборли бўлиши керак, бўшашиш мумкин эмас.
Биз барча турнирларда ғалаба учун курашамиз. Бу йилги мақсадларимиз — Ла Лига, Кубок, Суперкубок ва Чемпионлар Лигасида ғолиб чиқиш. Бунда доимо жамоавий руҳни ёдда тутиш керак. Агар шу ҳақда ўйласак, бу бизни совринларга олиб боради», — деди Лапорта.
