Бельгия терма жамоаси ҳимоячиси Тома Менье ЖЧ-2026 якунланганидан икки ой ўтиб, ФИФАнинг АҚШ терма жамоаси ҳужумчиси Фоларин Балогуннинг дисквалификациясини тўхтатиб туриш ҳақидаги баҳсли қарорига муносабат билдирди. Шунингдек, у сиёсатнинг футболга аралашуви мавзусига ҳам тўхталди.
«Менимча, сиёсат ва футбол ҳеч қандай ҳолатда ҳам ҳамкор бўлмаслиги керак. Аммо муаммо шундаки, футбол одамларнинг фикрларини акс эттиради. Буни трибуналарда ҳам эшитиш мумкин — ирқчилик ва бошқа кўплаб салбий ҳолатлар. Шундай экан, футбол ва сиёсатни ҳақиқатдан ҳам бир-биридан ажратиш мумкинми?
Федерациялар — бу сиёсат, молиявий жиҳатлар ва бошқа кўплаб омиллар, барчаси ўзаро боғлиқ. Бу маълум маънода ҳукуматга ўхшайди. Сиёсатчилар халқ учун энг яхши қарорларни қабул қилиб турган экан, муаммо йўқ. Аммо сиёсат — мен “коррупциялашган” демоқчи эмасман — спорт манфаатларига қарши ҳаракат қила бошласа, бу хавфли», — деди Менье.
