Belgiya terma jamoasi himoyachisi Toma Menye JCH-2026 yakunlanganidan ikki oy o‘tib, FIFAning AQSH terma jamoasi hujumchisi Folarin Balogunning diskvalifikasiyasini to‘xtatib turish haqidagi bahsli qaroriga munosabat bildirdi. Shuningdek, u siyosatning futbolga aralashuvi mavzusiga ham to‘xtaldi.

«Menimcha, siyosat va futbol hech qanday holatda ham hamkor bo‘lmasligi kerak. Ammo muammo shundaki, futbol odamlarning fikrlarini aks ettiradi. Buni tribunalarda ham eshitish mumkin — irqchilik va boshqa ko‘plab salbiy holatlar. Shunday ekan, futbol va siyosatni haqiqatdan ham bir-biridan ajratish mumkinmi?

Federasiyalar — bu siyosat, moliyaviy jihatlar va boshqa ko‘plab omillar, barchasi o‘zaro bog‘liq. Bu ma’lum ma’noda hukumatga o‘xshaydi. Siyosatchilar xalq uchun eng yaxshi qarorlarni qabul qilib turgan ekan, muammo yo‘q. Ammo siyosat — men “korrupsiyalashgan” demoqchi emasman — sport manfaatlariga qarshi harakat qila boshlasa, bu xavfli», — dedi MenYE.