Испания Ла Лигасининг 5-турида «Реал Сосьедад» ўз майдонида Мадриднинг «Атлетико» клубини қабул қилади. Учрашув 13 сентябрь, якшанба куни бўлиб ўтади.
Баҳсга бир кун қолганда «Реал Сосьедад» матбуот хизмати ўйин учун қайдномани эълон қилди. Ундан 24 нафар футболчи ўрин олган бўлиб, россиялик ярим ҳимоячи Арсен Захарян ҳам рўйхатга киритилган.
23 ёшли футболчи жорий мавсумда Испания чемпионатида фақат бир марта майдонга тушди ва самарали ҳаракатлари билан ажралиб турмади. Захарян сўнгги тўртта учрашувни захира ўриндиғида ўтказди.
