«Барселона» ярим ҳимоячиси Родри Эрнандес «Атлетико» ҳужумчиси Хулиан Альвареснинг каталонияликлар сафига ўтиши мумкинлиги ҳақида фикр билдирди.
«Албатта, мен Альваресни жамоага қўшиб олардим. У ажойиб футболчи. У билан икки йил бирга ўйнаш насиб қилган. У ҳақиқатан ҳам ақлбовар қилмас даражадаги футболчи», — дея испаниялик ярим ҳимоячининг сўзларини The Touchline аккаунти келтирмоқда.
26 ёшли аргентиналик футболчининг «Атлетико» билан шартномаси 2030 йил июнь ойи охиригача амал қилади. Transfermarkt портали унинг бозор қийматини 120 миллион еврога баҳоламоқда.
Жорий мавсумда Альварес Испания чемпионатида иккита учрашувда майдонга тушди, аммо голли ҳаракатлар билан ажралиб турмади.
