"Сандерленд" бош мураббийи Режис Ле Бри Европа лигаси умумий босқичининг 1-турида "АЗ"га қарши бўлиб ўтадиган учрашув олдидан рақибни юқори баҳолади.
"Биз Нидерландия чемпионатини диққат билан кузатиб борамиз ва "Алкмаар" қанчалик хавфли жамоа эканини яхши биламиз. Бу ёш ва иқтидорли таркиб бўлиб, замонавий футбол намойиш этмоқда.
Клуб бой тарихга эга, жамоанинг кучли жиҳатлари кўп. Бизни жиддий синов кутмоқда, аммо биз унга тайёрмиз", — дея Ле Брининг сўзларини келтиради УЕФА расмий сайти.
Мутахассис, шунингдек, "Сандерленд"нинг 1973 йилдан кейин илк бор еврокубокларда иштирок этаётганидан фахрланишини билдирди.
"Бундан жуда фахрланаман, бу катта шараф. Биз босқичма-босқич ривожланяпмиз. Бу клуб, шаҳар ва бутун жамоатчилик учун жуда муҳим лаҳза", — деди Ле Бри.
"Сандерленд" — "АЗ" учрашуви Тошкент вақти билан 17 сентябрга ўтар кечаси соат 00:00 да бошланади.
