"Реал" ярим ҳимоячиси Федерико Вальверде Испания чемпионатининг 6-турида "Эльче" устидан 3:2 ҳисобида қозонилган ғалабадан сўнг Ян Диоманденинг ўйинини юқори баҳолади.
19 ёшли Кот-д'Ивуарлик футболчи ушбу учрашувда голли узатма амалга оширди. Бу унинг "Реал" сафидаги илк самарали ҳаракати бўлди.
"Ян Диомандеда ҳимоячига қарши бирга-бир вазиятларда керак бўладиган барча сифатлар бор. Мен унга ишонаман, жамоадаги барчамиз унга ишонамиз.
Биз унинг гол уриши ёки голли узатма амалга ошириши учун албатта имконият бўлишини биламиз. Бугун у доим гол урадиган Килианга ажойиб узатма берди", — деди Вальверде.
"Реал" 6 август куни Диоманденинг "Лейпциг"дан трансфер қилинганини эълон қилган эди. Вингер мадридликлар билан 2033 йил ёзига қадар шартнома имзолаган.
ОАВ маълумотига кўра, "Реал" Кот-д'Ивуар терма жамоаси футболчиси учун 125 миллион евро ва яна 15 миллион евро бонус тўлайди. Бу клуб тарихидаги рекорд трансферга айланган.
