"Real" yarim himoyachisi Federiko Valverde Ispaniya chempionatining 6-turida "Elche" ustidan 3:2 hisobida qozonilgan g‘alabadan so‘ng Yan Diomandening o‘yinini yuqori baholadi.
19 yoshli Kot-d'Ivuarlik futbolchi ushbu uchrashuvda golli uzatma amalga oshirdi. Bu uning "Real" safidagi ilk samarali harakati bo‘ldi.
"Yan Diomandeda himoyachiga qarshi birga-bir vaziyatlarda kerak bo‘ladigan barcha sifatlar bor. Men unga ishonaman, jamoadagi barchamiz unga ishonamiz.
Biz uning gol urishi yoki golli uzatma amalga oshirishi uchun albatta imkoniyat bo‘lishini bilamiz. Bugun u doim gol uradigan Kilianga ajoyib uzatma berdi", — dedi Valverde.
"Real" 6 avgust kuni Diomandening "Leypsig"dan transfer qilinganini e’lon qilgan edi. Vinger madridliklar bilan 2033 yil yoziga qadar shartnoma imzolagan.
OAV ma’lumotiga ko‘ra, "Real" Kot-d'Ivuar terma jamoasi futbolchisi uchun 125 million yevro va yana 15 million yevro bonus to‘laydi. Bu klub tarixidagi rekord transferga aylangan.
