Farg‘onaning "Neftchi" jamoasi Osiyo Chempionlar ligasi Elit musobaqasi doirasida "An-Nasr"ga qarshi bo‘lib o‘tadigan uchrashuvda ishtirok etish uchun Saudiya Arabistoni poytaxti Ar-Riyod shahriga yetib bordi.
Jamoa 10 oktyabr kuni tong saharda Farg‘ona xalqaro aeroportidan Ar-Riyod xalqaro aeroportiga to‘g‘ridan-to‘g‘ri charter reysi orqali yo‘l olgan.
Safar delegasiyasi tarkibidan futbolchilar, murabbiylar shtabi, klub rahbariyati va personal vakillari o‘rin olgan.
Shuningdek, jamoani qo‘llab-quvvatlash maqsadida 100 nafarga yaqin fan-klub a’zolari va muxlislar ham Ar-Riyodga yetib kelgan.
"Neftchi" bosh murabbiyi Islombek Ismoilov uchrashuv uchun quyidagi futbolchilarni safarga olib ketgan:
Darvozabonlar va maydon futbolchilari:
Ibrohim Shokirov, Botirali Ergashev, Akbar To‘rayev, Boyan Siger, Muhsin Ubaydullayev, Ibrohim Halil Yo‘ldoshev, Anvar G‘ofurov, Farruh Sayfiyev, Nurmuhammad Abdug‘aniyev, Koffi Frank Kuao, Xurshid G‘iyosov, Rustambek Fomin, Fransisko Ferreyra (Jurani), Abrorbek Ismoilov, Vladimir Yovovich, Jamshid Iskanderov, Alisher Odilov, Ikromjon Aliboyev, Asilbek Jumayev, Bilolxon Toshmirzayev, Stipe Perisa, Zoran Marushich, Yan Sasse, Mishel Augusto va Markus Forss.
Murabbiylar shtabi:
Islombek Ismoilov — bosh murabbiy, Antonio Sarioglu — jismoniy tayyorgarlik murabbiyi, Vitaliy Galat — darvozabonlar murabbiyi, Anvar Berdiyev — murabbiy, Gilyermo Baena de Estefaniya — fizioterapevt, Rafael Pereyra — tahlilchi.
Eslatib o‘tamiz, "An-Nasr" — "Neftchi" uchrashuvi 12 oktyabr kuni bo‘lib o‘tadi.
