«Манчестер Юнайтед» ёшлар жамоаси ҳужумчиси Жей-Жей Габриэль фаолиятини «Реал»да давом эттириши мумкин.
15 ёшли футболчи эркин агент сифатида клубни тарк этиш ниятида эканини «Манчестер Юнайтед» раҳбариятига маълум қилган.
The Touchline хабарига кўра, айни пайтда ёш иқтидор учун курашда «Реал» олдинда бормоқда. Шунингдек, англиялик футболчига «Барселона», «ПСЖ» ва «Бавария» ҳам қизиқиш билдирган.
«Манчестер Юнайтед» Габриэлни жорий мавсумда асосий жамоада ўйнатишни режалаштирган эди. Клуб ҳозир ҳам футболчини қолишга кўндиришга ҳаракат қилмоқда.
Габриэль бу мавсум манкунианликларнинг ёшлар жамоаси сафида 3 та ўйинда майдонга тушиб, 5 та гол урди ва 2 та голли узатмани амалга оширди.
