«Manchester Yunayted» yoshlar jamoasi hujumchisi Jey-Jey Gabriel faoliyatini «Real»da davom ettirishi mumkin.

15 yoshli futbolchi erkin agent sifatida klubni tark etish niyatida ekanini «Manchester Yunayted» rahbariyatiga ma’lum qilgan.

The Touchline xabariga ko‘ra, ayni paytda yosh iqtidor uchun kurashda «Real» oldinda bormoqda. Shuningdek, angliyalik futbolchiga «Barselona», «PSJ» va «Bavariya» ham qiziqish bildirgan.

«Manchester Yunayted» Gabrielni joriy mavsumda asosiy jamoada o‘ynatishni rejalashtirgan edi. Klub hozir ham futbolchini qolishga ko‘ndirishga harakat qilmoqda.

Gabriel bu mavsum mankunianliklarning yoshlar jamoasi safida 3 ta o‘yinda maydonga tushib, 5 ta gol urdi va 2 ta golli uzatmani amalga oshirdi.