Испания Ла Лигасининг жорий мавсуми ҳозирча XXI асрдаги энг сермаҳсул мавсум бўлиб турибди.
Чемпионатда шу пайтга қадар 51 та ўйин ўтказилди ва уларда жами 152 та гол урилди. Бу ҳар бир учрашувга ўртача 2,98 тадан гол тўғри келаётганини англатади.
XXI асрда дастлабки 51 та ўйин бўйича иккинчи энг юқори сермаҳсуллик 2016/2017 йилги мавсумда қайд этилган — ҳар бир баҳсга ўртача 2,94 тадан гол.
Кейинги ўринда 2008/2009 йилги мавсум турибди — ўртача 2,90 та гол. 2012/2013 йилги мавсумда бу кўрсаткич 2,87 тани ташкил этган.
Кучли бешликни 2011/2012 йилги мавсум якунлайди. Ўша пайтда дастлабки 51 та учрашувда ҳар бир ўйинга ўртача 2,76 тадан гол тўғри келган.
