Ispaniya La Ligasining joriy mavsumi hozircha XXI asrdagi eng sermahsul mavsum bo‘lib turibdi.
Chempionatda shu paytga qadar 51 ta o‘yin o‘tkazildi va ularda jami 152 ta gol urildi. Bu har bir uchrashuvga o‘rtacha 2,98 tadan gol to‘g‘ri kelayotganini anglatadi.
XXI asrda dastlabki 51 ta o‘yin bo‘yicha ikkinchi eng yuqori sermahsullik 2016/2017 yilgi mavsumda qayd etilgan — har bir bahsga o‘rtacha 2,94 tadan gol.
Keyingi o‘rinda 2008/2009 yilgi mavsum turibdi — o‘rtacha 2,90 ta gol. 2012/2013 yilgi mavsumda bu ko‘rsatkich 2,87 tani tashkil etgan.
Kuchli beshlikni 2011/2012 yilgi mavsum yakunlaydi. O‘sha paytda dastlabki 51 ta uchrashuvda har bir o‘yinga o‘rtacha 2,76 tadan gol to‘g‘ri kelgan.
