«Барселона» ҳимоячиси Жюль Кунде камроқ ўйин вақти ола бошлади. El Nacional хабар беришича, француз футболчиси бош мураббий Ханс-Дитер Флик томонидан футболчиларга нисбатан тенгсиз муносабатни сезган.
Кунде хатолари учун бир неча бор жазоланган — ҳимоячи хато қилганидан сўнг кейинги ўйинда асосий таркибдан жой олмаслиги мумкин эди. Шу билан бирга, Флик яқинда Хави Эспарт хатога йўл қўйганидан сўнг уни омма олдида қўллаб-қувватлади.
«Фликнинг Эспартни ҳимоя қилиши маълум даражада ноқулайлик туғдирди. Кунде ёш футболчига ўзига бўлган ишонч кераклигини тушунади, аммо шу билан бирга бундай ёндашув ҳар бир футболчига нисбатан бўлиши керак, деб ҳисоблайди», — дейилади материалда.
«Барселона» чоршанба куни Ла Лига доирасида ўз майдонида «Расинг»га қарши ўйнайди. Учрашув Тошкент вақти билан 00:30 да бошланади.
