«Barselona» himoyachisi Jyul Kunde kamroq o‘yin vaqti ola boshladi. El Nacional xabar berishicha, fransuz futbolchisi bosh murabbiy Xans-Diter Flik tomonidan futbolchilarga nisbatan tengsiz munosabatni sezgan.
Kunde xatolari uchun bir necha bor jazolangan — himoyachi xato qilganidan so‘ng keyingi o‘yinda asosiy tarkibdan joy olmasligi mumkin edi. Shu bilan birga, Flik yaqinda Xavi Espart xatoga yo‘l qo‘yganidan so‘ng uni omma oldida qo‘llab-quvvatladi.
«Flikning Espartni himoya qilishi ma’lum darajada noqulaylik tug‘dirdi. Kunde yosh futbolchiga o‘ziga bo‘lgan ishonch kerakligini tushunadi, ammo shu bilan birga bunday yondashuv har bir futbolchiga nisbatan bo‘lishi kerak, deb hisoblaydi», — deyiladi materialda.
«Barselona» chorshanba kuni La Liga doirasida o‘z maydonida «Rasing»ga qarshi o‘ynaydi. Uchrashuv Toshkent vaqti bilan 00:30 da boshlanadi.
