«Манчестер Сити» бош мураббийи Энцо Мареска «Манчестер Юнайтед»га қарши дербидаги баҳсли ғалаба голига муносабат билдирди ва уч йил аввал содир бўлган ўхшаш вазиятни эслади.
«Баъзан бундай қарор сенинг фойдангга, баъзан эса қарши ишлайди. Уч йил олдин мен бу ерда бўлганимда ҳам «Манчестер Юнайтед»га қарши худди шундай ҳолат юз берган ва биз дербида мағлуб бўлган эдик. Агар эсласангиз, ўша гол қоидаларга мос эмас эди. Ростини айтсам, ўшанда ҳеч ким биздан узр сўрамаган. Биз ҳали ҳам ўша гол учун узр кутяпмиз», — деди Мареска.
Мутахассис қўшимча қилди:
«Баъзан бу сенинг фойдангга, баъзан эса қарши бўлади. Бу — футбол».
Эрлинг Холанднинг голи дастлаб офсайд деб топилганига қарамай, VAR текширувидан сўнг ҳисобга олинди. Кейинроқ Pro Ref ушбу эпизод бўйича қарорда «баҳолаш хатоси»га йўл қўйилганини тан олди.
