«Manchester Siti» bosh murabbiyi Enso Mareska «Manchester Yunayted»ga qarshi derbidagi bahsli g‘alaba goliga munosabat bildirdi va uch yil avval sodir bo‘lgan o‘xshash vaziyatni esladi.

«Ba’zan bunday qaror sening foydangga, ba’zan esa qarshi ishlaydi. Uch yil oldin men bu yerda bo‘lganimda ham «Manchester Yunayted»ga qarshi xuddi shunday holat yuz bergan va biz derbida mag‘lub bo‘lgan edik. Agar eslasangiz, o‘sha gol qoidalarga mos emas edi. Rostini aytsam, o‘shanda hech kim bizdan uzr so‘ramagan. Biz hali ham o‘sha gol uchun uzr kutyapmiz», — dedi Mareska.

Mutaxassis qo‘shimcha qildi:

«Ba’zan bu sening foydangga, ba’zan esa qarshi bo‘ladi. Bu — futbol».

Erling Xolandning goli dastlab ofsayd deb topilganiga qaramay, VAR tekshiruvidan so‘ng hisobga olindi. Keyinroq Pro Ref ushbu epizod bo‘yicha qarorda «baholash xatosi»ga yo‘l qo‘yilganini tan oldi.