«Арсенал» клуби собиқ ҳужумчиси Андрей Аршавин «канонирлар» сафида ўйнаган пайтларида Арсен Венгер билан бўлиб ўтган энг эсда қоларли шахсий суҳбатини ёдга олди.

— Келинг, Арсен Венгер билан энг эсда қолган шахсий суҳбатингизни ёдга олайлик.

— Шартнома имзолашимиздан бир ой олдин «Арсенал» стадионига келганимизда, у ерда майдон чизилган планшет бор эди ва унда қандай ўйнаш кераклиги кўрсатилганди... Ва у билан стадионга, айнан трибунага чиққанимизда, мен ундан инглиз тилида: «Мени бу ерда қаерда кўряпсиз?» деб сўрадим. У эса тушунмади (мийиғида кулади).

— Захира ўриндиғини кўрсатмадими?

— Эртами-кечми, ҳа (кулади), — деди Аршавин Fonbet YouTube-каналидаги янги сонга берган интервьюсида.