«Arsenal» klubi sobiq hujumchisi Andrey Arshavin «kanonirlar» safida o‘ynagan paytlarida Arsen Venger bilan bo‘lib o‘tgan eng esda qolarli shaxsiy suhbatini yodga oldi.

— Keling, Arsen Venger bilan eng esda qolgan shaxsiy suhbatingizni yodga olaylik.

— Shartnoma imzolashimizdan bir oy oldin «Arsenal» stadioniga kelganimizda, u yerda maydon chizilgan planshet bor edi va unda qanday o‘ynash kerakligi ko‘rsatilgandi... Va u bilan stadionga, aynan tribunaga chiqqanimizda, men undan ingliz tilida: «Meni bu yerda qayerda ko‘ryapsiz?» deb so‘radim. U esa tushunmadi (miyig‘ida kuladi).

— Zaxira o‘rindig‘ini ko‘rsatmadimi?

— Ertami-kechmi, ha (kuladi), — dedi Arshavin Fonbet YouTube-kanalidagi yangi songa bergan intervyusida.