Англиянинг «Кристал Пэлас» клуби Европа лигасидаги иштирокини ўтган мавсум Конференциялар лигаси ғолиби сифатида бошлади. Лондонликлар учун бу Европа футболида нуфуз жиҳатидан иккинчи ўринда турадиган ушбу мусобақадаги мутлақ дебют ҳисобланади.
«Бургутлар» илк ўйинни жуда муваффақиятли бошлаб, 2019 йилдан бери Чемпионлар лигаси ёки Европа лигасида дебют қилган жамоалар орасидаги энг йирик ғалабани қайд этди. «Кристал Пэлас» Польша вакили «Лех»ни 4:0 ҳисобида мағлуб этди.
Маълум бўлишича, мусобақада илк ўйинини ўтказаётган жамоа 2019 йилдан бери бундай йирик ҳисобда ғалаба қозонмаган эди. Ўшанда Австриянинг «Вольфсбергер» клуби Мёнхенгладбахнинг «Боруссия»сини худди шу 4:0 ҳисобида енгган.
