Мадриднинг "Атлетико" клуби ҳужумчиси Хулиан Альварес ҳамон жамоасини алмаштириш умидида.
Аргентиналик футболчи ёздаёқ "Барселона"га ўтишни истаган, аммо "Атлетико" раҳбарияти музокара олиб боришни хоҳламаган.
Журналист Экрем Конур маълумотига кўра, ҳужумчи ҳали ҳам каталонияликлар сафига қўшилишни режалаштирмоқда. У ўзи кутган трансфер қишки трансфер ойнаси очиладиган январь ойида амалга ошишига умид қилмоқда.
Ханс-Дитер Флик жамоаси жорий мавсумда жуда сермаҳсул ўйнаётганига қарамай, "Барселона"да Альварес ҳужум чизиғини кучайтириш учун қизиқарли вариант сифатида ҳамон кўриб чиқилмоқда.
Трансфер устидаги ишлар йил охирига яқин яна фаоллашиши мумкин.
Transfermarkt портали 26 ёшли футболчининг бозор қийматини 120 миллион еврога баҳоламоқда.
