Madridning "Atletiko" klubi hujumchisi Xulian Alvares hamon jamoasini almashtirish umidida.
Argentinalik futbolchi yozdayoq "Barselona"ga o‘tishni istagan, ammo "Atletiko" rahbariyati muzokara olib borishni xohlamagan.
Jurnalist Ekrem Konur ma’lumotiga ko‘ra, hujumchi hali ham kataloniyaliklar safiga qo‘shilishni rejalashtirmoqda. U o‘zi kutgan transfer qishki transfer oynasi ochiladigan yanvar oyida amalga oshishiga umid qilmoqda.
Xans-Diter Flik jamoasi joriy mavsumda juda sermahsul o‘ynayotganiga qaramay, "Barselona"da Alvares hujum chizig‘ini kuchaytirish uchun qiziqarli variant sifatida hamon ko‘rib chiqilmoqda.
Transfer ustidagi ishlar yil oxiriga yaqin yana faollashishi mumkin.
Transfermarkt portali 26 yoshli futbolchining bozor qiymatini 120 million yevroga baholamoqda.
