Англия терма жамоаси бош мураббийи Томас Тухель Футбол ассоциациясининг (FA) Жанни Инфантинонинг ФИФА президенти лавозимидаги келажаги бўйича позициясини қўллаб-қувватлади.
Аввалроқ ФА Инфантинонинг 2027 йилда ФИФА президенти лавозимига қайта сайланишини қўллаб-қувватламаслигини маълум қилган эди.
«ФА раҳбарияти мени доим қўллаб-қувватлайди. Шунинг учун бундай вазиятда мен қила оладиган энг кам иш — раҳбариятни қўллаб-қувватлаш.
Футбол билан шуғуллана олаётганимдан хурсандман. Сиёсат билан қизиқишни истамайман», — деди Тухель.
ФАнинг бундай позицияси сўнгги вақтларда Инфантино атрофидаги баҳслар ва 2027 йилги ФИФА президентлиги сайлови олдидан юзага келган вазият фонида билдирилди.
Тухель 2025 йилдан бери Англия терма жамоасини бошқариб келмоқда. 2026 йил февраль ойида у шартномасини узайтирган ва янги келишув 2028 йилги Европа чемпионати якунига қадар амал қилади.
