2022 йилда «Манчестер Юнайтед» билан хайрлашганидан сўнг Криштиану Роналду Англия Премьер-лигасининг яна бир клуби — «Челси»га ўтишга яқин бўлган.

Лондон клуби эгаси Тодд Бёли португалиялик юлдузни жамоасида кўришни жуда истаган. У ўша пайтда «Челси»ни эндигина сотиб олган ва клубга катта номли футболчини жалб қилишни хоҳлаган.

The New York Times маълумотига кўра, Бёли ҳатто Роналдунинг агенти Жорже Мендеш билан шахсан учрашиб, эҳтимолий трансферни муҳокама қилган.

Бироқ бу ташаббус ўша пайтда «Челси»ни бошқарган Томас Тухель томонидан қатъий рад этилган. Немис мутахассиси Роналду трансферига розилик бермаган.

Шундан кейин Роналду Саудия Арабистони чемпионатига йўл олди ва ҳозир ҳам у ерда фаолият олиб бормоқда.