"Бавария" ва Мадриднинг "Реал" клублари собиқ ҳимоячиси Давид Алаба фаолиятини океан ортида давом эттириши мумкин.
Журналист Экрем Конурнинг ижтимоий тармоқлардаги маълумотига кўра, 34 ёшли австриялик футболчи Лионель Месси тўп сураётган "Интер Майами" билан боғланмоқда.
Алаба ҳозирда эркин агент мақомига эга бўлгани сабабли Америка клубига текинга ўтиши мумкин.
Ҳимоячининг сўнгги клуби "Реал" бўлган. У ўтган ёзда меҳнат шартномаси муддати тугагач, "Қироллик клуби"ни тарк этган.
Transfermarkt портали мутахассислари австриялик футболчининг бозор қийматини 3 миллион еврога баҳоламоқда.
