Calciomercato маълумотига кўра, "Ливерпуль" ва "Манчестер Юнайтед" "Ювентус" вингери Франсишку Консейсаунинг вазиятини кузатиб бормоқда.
Португалиялик футболчининг асосий таркибдаги ўрни энди аввалгидек кафолатланган эмас. Нико Гонсалес, Керим Алайбегович ва Эдон Жегрованинг яхши ўйинлари жамоа ичидаги рақобатни сезиларли даражада кучайтирди.
Шу сабаб Консейсаудан ўз ўйинини янада яхшилаш талаб этилмоқда. Умуман олганда, унинг ҳаракатлари яхши таассурот қолдираётган бўлса-да, ҳужумларни ҳал қилувчи ҳаракатлар билан якунлашдаги самарадорлиги ҳали ҳам саволлар туғдирмоқда.
Европа лигасида НЕКка қарши ўйинда Алайбегович асосий таркибдаги имкониятидан унумли фойдаланди ва ажойиб ўйин кўрсатиб, гол ҳам урди.
23 ёшли Консейсау жорий мавсумда А Сериядаги барча тўрт учрашувни асосий таркибда бошлади, аммо ҳозирча фақат битта голли узатма амалга оширди.
Унинг "Ювентус" билан шартномаси 2030 йилга қадар амал қилади.
