"Барселона" президенти Жоан Лапорта Мадриднинг "Атлетико" клуби билан аргентиналик ҳужумчи Хулиан Альварес трансфери бўйича олиб борилган музокаралар ҳақида гапирди.
"Атлетико" ўзини хафа бўлган томон сифатида кўрсатди, аммо бундай муносабатни оқлаб бўлмасди. Биз ўз томонимиздан керакли барча ишни қилдик. Аммо Мадридда Хулианга ўринбосар йўқлиги сабаб у сотилмаслигини айтишди.
Уни "Барселона"дан ташқари исталган клубга сотишга тайёр эканликлари ҳақида маълумот эшитдим. Кейин эса улар ниқобларини ечиб, буни очиқчасига айтишди", — дея "кўк-анорранглилар" президенти сўзларини Marca нашри келтирмоқда.
Хулиан Альвареснинг бозор қиймати 120 миллион еврога баҳоланмоқда. Унинг "Атлетико" билан амалдаги шартномаси 2030 йил июнь ойи охирига қадар мўлжалланган.
