"Barselona" prezidenti Joan Laporta Madridning "Atletiko" klubi bilan argentinalik hujumchi Xulian Alvares transferi bo‘yicha olib borilgan muzokaralar haqida gapirdi.
"Atletiko" o‘zini xafa bo‘lgan tomon sifatida ko‘rsatdi, ammo bunday munosabatni oqlab bo‘lmasdi. Biz o‘z tomonimizdan kerakli barcha ishni qildik. Ammo Madridda Xulianga o‘rinbosar yo‘qligi sabab u sotilmasligini aytishdi.
Uni "Barselona"dan tashqari istalgan klubga sotishga tayyor ekanliklari haqida ma’lumot eshitdim. Keyin esa ular niqoblarini yechib, buni ochiqchasiga aytishdi", — deya "ko‘k-anorranglilar" prezidenti so‘zlarini Marca nashri keltirmoqda.
Xulian Alvaresning bozor qiymati 120 million yevroga baholanmoqda. Uning "Atletiko" bilan amaldagi shartnomasi 2030 yil iyun oyi oxiriga qadar mo‘ljallangan.
