«Манчестер Сити» ва «Барселона»нинг собиқ юлдузи Илкай Гюндоган «Галатасарай» сафида деярли ўйин амалиётига эга бўлмаяпти. У мавсум бошидан буён атиги иккита учрашувда майдонга тушиб, жами 11 дақиқа ҳаракат қилди.
Вазият шундай даражага етдики, футболчининг рафиқаси Сара Арфауи ҳам бу борада очиқ фикр билдирди.
«Мендан нега у ўйнамаётганини сўраманг. Бунинг жавобини мураббий аниқ билса керак. Биз бу ерда эканимиздан хурсандмиз ва бу жамоани яхши кўрамиз. Шунинг учун мени ёки оиламни ҳақорат қилишдан маъно йўқ.
Гап пулда эмас, аксинча. Илкай бу ерга ўтиш учун маоши камайишига ҳам рози бўлган», — дея Сара Арфауининг сўзларини Fanatik келтиради.
Аввалроқ «Галатасарай» «Трабзонспор»га 0:4 ҳисобида йирик мағлубиятга учраган эди.
