«Барселона» «Камп Ноу» реконструкцияси сабабли яна вақтинчалик уй стадионини ўзгартиради.
Каталонияликлар 2027/28 йилги мавсумни Льюис Компанис номидаги Олимпия стадионида бошлашади, деб хабар беради ESPN. Кўчиб ўтиш қайта тикланаётган аренага том ўрнатиш учун зарур. Жамоа жорий мавсумни «Камп Ноу»да якунлаши, навбатдаги кўчишдан сўнг эса 2028 йилнинг январь ойида у ерга қайтишни режалаштирмоқда.
Ҳозирда стадион 62 минггача томошабинни ўз бағрига сиғдира олади. Мавсум давомида бу кўрсаткични 75 мингга, жамоа 2028 йилда қайтганида эса 95 мингга етказиш ҳисоб-китоб қилинган. Ишларни тўлиқ 2028/29 йилги мавсум олдидан якунлаш режалаштирилган бўлиб, ўшанда сиғим 105 мингга етади.
