«Интер» бош мураббийи Кристиан Киву жамоа ярим ҳимоячиси Ҳакан Чалҳанўғлини клубда сақлаб қолишни истамоқда.

Инсайдер Экрем Конур маълумотига кўра, туркиялик футболчининг Милан клубидаги келажаги ҳозирча ноаниқлигича қолмоқда.

Чалҳанўғли айни пайтда йилига 6,5 миллион евро маош олади. «Интер» раҳбарияти унга янги шартнома таклиф қилишга тайёр, бироқ янги келишувда футболчининг маоши камайтирилиши кўзда тутилмоқда.

Шунга қарамай, жамоа бош мураббийи Кристиан Киву 32 ёшли яримҳимоячини муҳим футболчилардан бири деб ҳисоблайди ва уни йўқотишни истамаяпти.

Чалханоглу жорий мавсум Италия чемпионатида 3 та ўйинда майдонга тушиб, 2 та гол урди. Унинг «Интер» билан амалдаги шартномаси 2027 йил июнь ойи охирига қадар мўлжалланган.