Аргентина терма жамоасининг собиқ футболчиси Алехандро Гомес ўзининг ҳозиргача бўлган клуби «Падова»ни тарк этди ва Бирлашган Араб Амирликларига кўчиб ўтди.

Авторитетли италиялик журналист Джанлука ди Марционинг аниқлик киритишича, у БАА чемпионати олий лигаси вакили «Форте Виртус» клуби билан шартнома имзоламоқчи. Келишувнинг молиявий жиҳатлари, афсуски, маълум қилинмаяпти.

Гомесга янги клубида яна бир италиялик мутахассис — Маурицио мураббийлик қилади, аммо Сарри эмас, балки Сетти. Шунинг учун маълум маънода Гомес учун ҳеч нарса унчалик ўзгармайди.

Трансфер ҳақидаги расмий эълон энг яқин вақт ичида кутилмоқда.