«Ливерпуль» футболчиси Федерико Кьеза, эҳтимол, жорий мавсум давомида клубни тарк этади.
Италиялик футболчи мушакларидаги жароҳат сабабли ушбу мавсумда ҳали майдонга тушгани йўқ. Calciomercato нашрининг хабар беришича, вингер катта эҳтимол билан қишки трансфер ойнаси очиладиган январь ойида сотувга қўйилади. «Қизиллар» 28 ёшли футболчи учун тахминан 15 миллион евро сўрашмоқда.
Федерико Кьезага Миланнинг «Интер» ва «Наполи» клублари қизиқиш билдирмоқда. Потенциал харидорлар учун ўйинчининг маоши муаммо туғдириши мумкин: Англияда унга мавсум учун «соф» 7 миллион евро атрофида маош тўланади.
Кьеза 2024 йилнинг августида «Ювентус»дан «Ливерпуль»га кўчиб ўтган эди.
