"Барселона"дан "Аякс"га ижара асосида ўтган дарвозабон Марк-Андре тер Штеген каталонияликларнинг жорий мавсумдаги натижалари ҳақида фикр билдирди.
Ханс-Дитер Флик бошчилигидаги "Барселона" мавсумни жуда кучли бошлади. Жамоа дастлабки саккизта учрашувнинг барчасида ғалаба қозонди. Бу ўйинларда каталонияликлар 36 та гол уриб, ўз дарвозасидан атиги 8 та тўп ўтказиб юборди.
"Ҳозирги "Барселона"ни тўхтатиб бўлмайди. Улар шу тарзда давом этишини тилайман. Жамоа Флик бошчилигида ажойиб иш олиб бормоқда. Ҳозир бошқа клубда ўйнаяпман ва ўз вазифаларимга эътибор қаратганман. Шунга қарамай, "Барселона"ни кузатишда давом этяпман ва клубга доимо муваффақият тилайман", — деди 34 ёшли дарвозабон.
Пайшанба куни тер Штеген Германия терма жамоаси сафида 2025 йил июнь ойидан бери илк бор майдонга тушди. У Нидерландияга қарши учрашувда ажойиб ўйин кўрсатиб, рақибнинг 9 та зарбасини қайтарди.
