УЕФА Миллатлар лигаси гуруҳ босқичининг биринчи турида Португалия терма жамоаси Уэльсни 1:0 ҳисобида мағлуб этди.
Учрашувдан сўнг Португалия юлдузи Криштиану Роналду ижтимоий тармоқда ғалабага муносабат билдирди.
"Олға, Португалия! Биринчи қадам ташланди", — деб ёзди 41 ёшли ҳужумчи.
Роналду Уэльсга қарши баҳсда 67 дақиқа майдонда ҳаракат қилди ва шундан сўнг алмаштирилди.
Португалия Миллатлар лигасидаги навбатдаги учрашувини 27 сентябрь, якшанба куни сафарда Норвегия терма жамоасига қарши ўтказади.
