«Барселона» ярим ҳимоячиси Фермин Лопес ўтган мавсумда жамоанинг асосий муаммоларидан бири захира ўриндиғининг етарлича кучли эмаслиги бўлганини айтди.
«Ҳа, менимча, муаммо айнан шунда эди. Таркибда ротация қилиш учун вариантларимиз унчалик кўп эмасди.
Спорт директори Деку ёзда жуда яхши ишлади, деб ҳисоблайман. Янги футболчилар ҳозир бизга жуда катта ёрдам бермоқда», — деди Фермин.
«Барселона» янги мавсумни жуда яхши бошлади. Каталонияликлар Ла Лиганинг дастлабки 7 та учрашувининг барчасида ғалаба қозониб, 21 очко билан турнир жадвалида пешқадамлик қилмоқда.
Ханс-Дитер Флик шогирдлари навбатдаги турда 10 октябрь куни ўз майдонида «Хетафе»ни қабул қилади.
