«Барселона» ҳужумчиси Ламин Ямал ўз жамоадоши Пау Кубарси ҳақида фикр билдирди.

«Ўтган йили, менинг фикримча, Кубарси дунёдаги энг яхши ёш футболчи эди. У Копа совринини ёки «Олтин тўп»ни олиши керак. Орамизда ҳеч қандай фарқ йўқ. Мен энг яхши ёш футболчи мукофотини қўлга киритганимда, унга навбатдагиси у бўлишини айтгандим. Агар бирор сабабга кўра у буни ололмаса, мен унга ўз мукофотимни бераман», — деди Ямал Teledeporte га берган интервьюсида.

Жорий мавсумда 19 ёшли Кубарси барча мусобақаларни инобатга олганда олтита ўйинда майдонга тушди ва маҳсулдор ҳаракатлар билан ажралиб турмади.

Эслатиб ўтамиз, Ямал кетма-кет икки марта йилнинг энг яхши ёш футболчиси деб топилган эди.