«Барселона» ҳимоячиси Эрик Гарсия бу йилги «Олтин тўп»ни Ламин Ямал қўлга киритиши керак, деб ҳисоблайди.

«Менимча, соврин Ламинга ёки испаниялик футболчилардан бирига берилиши керак. Аммо барибир мен Ламинни танлардим», — деди Гарсия.

У Ямал билан бир қанотда ўйнаш ҳақида ҳам фикр билдирди.

«У билан ўйнаш осон. Ламиннинг майдондаги ҳаракатларини томоша қилиш эса алоҳида завқ», — деди ҳимоячи.

Гарсия Ямал ҳимояга етарлича ёрдам бермайди, деган фикрларга ҳам қўшилмади.

«Бу мавсум у ўзини тўлиқ бағишлаяпти ва бизга жуда катта ёрдам бермоқда. Чемпионатдаги яхши стартиимиз тасодиф эмас.

Ҳужумчиларимиз ҳимояда ҳам жуда фаол. Айниқса, биз қўлламоқчи бўлган прессингда уларнинг роли жуда катта. Буни майдонда яққол кўриш мумкин», — деди Гарсия.

Шунингдек, у Рафинья ва Педрининг «Олтин тўп» учун энг яхши 30 футболчи рўйхатига кирмагани ҳақида гапирди.

«Рафинья йўқ, Педри ҳам йўқ. Бу ҳақда нима дейиш мумкин? Аммо футболнинг гўзаллиги шундаки, бундай ҳолатлар аллақачон кучли мотивацияга эга футболчига яна қўшимча туртки бериши мумкин.

Рафинья мавсумни қандай бошлаганини кўрсак, ортиқча гапнинг ҳожати йўқ. Биз унга ҳеч нарса демаяпмиз. Фақат ҳозиргидек ўйнашда давом этишини хоҳлаймиз», — деди Эрик Гарсия.